火車頭越南餐室 (浣紗街)

營業中

休息中

要到天后附近做嘢，想食個快嘅但有質素嘅晚餐，於是係大坑搵嘢食，大坑嘢食越開越多，但開得多亦走得快。最後揀左係大坑開左比較耐嘅火車頭。由於六點鬆就去到，所以成為第一檯客，但食到後期就越來越多人。我同友人第一個菜係點牛油雞翼，因為我個人對牛油雞翼情有獨鍾。雞翼係即叫即炸，送上檯嘅時候重叫我地小心熱，點知友人轉頭就太心急XD牛油雞翼整碟有濃香的炸蒜，炸得剛剛好，有淡淡嘅牛油香。主食方面，我就叫左生熟牛肉河。呢度都幾地道，俾左生芽菜、紅椒粒、青檸等配料，可以自己想落幾多就幾多。至於碗牛河，先論份量，可謂十足，無論係牛肉，還是河粉都唔少，好少見牛肉份量咁多。上檯時牛肉就半生半熟，經由熱湯再浸，就熟啦。至於湯底非常濃郁，夠哂味道。想加埋杯凍飲，飽晒。