影片
更多
2023-10-16
137 瀏覽
今晚同屋企人黎到屯門站隔離既呢間酒店慶生，酒店以火車為主題，一到樓下已經有一個超大既火車頭，而酒店大堂仲裝扮成火車站候車大堂一樣，餐廳裡面仲有火車車卡座位，好特別，真係好似坐住火車食飯咁。自助餐款式都幾多，海鮮冷盤有長腳蟹、麵包蟹、蝦、螺、青口，仲有火腿、沙律菜、芝士，長腳蟹好大條好多肉，味道鮮甜，有濃濃海水味，麵包蟹有好多蟹膏，而蝦、螺、青口質素都唔差。刺身有三文魚、吞拿魚、鯛魚、帶子、八爪魚，款式都算多，而且刺身都好新鮮好肥美，除左刺身，仲有天婦羅，天婦羅外皮粉漿夠薄，炸到鬆脆。熱盤款式都唔少，最驚喜既竟然有芝士焗龍蝦、燒蠔、燒羊架、牛西冷等等，龍蝦肉質鮮甜，彈牙，芝士焗完更香口，羊架肉質軟熟，帶有淡淡羊羶味，燒過既蠔味道更濃郁。另外仲有即叫即整既牛肉麵，牛肉麵湯底濃郁，麵質夠爽口彈牙。非常欣賞呢度既甜品，每一款都係細細件，一口一件，比較易食，而雪糕都有幾款揀，最開心既係除左有我至愛既movenpick薄荷朱古力味雪糕，仲有雲尼拿、朱古力同士多啤梨，movenpick以外，仲有Häagen-Dazs，同一款本地製造既雪糕。飲品都係任飲，有橙汁、紅茶、咖啡同埋茶。基本上自助餐款式全部
今晚同屋企人黎到屯門站隔離既呢間酒店慶生，酒店以火車為主題，一到樓下已經有一個超大既火車頭，而酒店大堂仲裝扮成火車站候車大堂一樣，餐廳裡面仲有火車車卡座位，好特別，真係好似坐住火車食飯咁。
自助餐款式都幾多，海鮮冷盤有長腳蟹、麵包蟹、蝦、螺、青口，仲有火腿、沙律菜、芝士，長腳蟹好大條好多肉，味道鮮甜，有濃濃海水味，麵包蟹有好多蟹膏，而蝦、螺、青口質素都唔差。
刺身有三文魚、吞拿魚、鯛魚、帶子、八爪魚，款式都算多，而且刺身都好新鮮好肥美，除左刺身，仲有天婦羅，天婦羅外皮粉漿夠薄，炸到鬆脆。
熱盤款式都唔少，最驚喜既竟然有芝士焗龍蝦、燒蠔、燒羊架、牛西冷等等，龍蝦肉質鮮甜，彈牙，芝士焗完更香口，羊架肉質軟熟，帶有淡淡羊羶味，燒過既蠔味道更濃郁。另外仲有即叫即整既牛肉麵，牛肉麵湯底濃郁，麵質夠爽口彈牙。
非常欣賞呢度既甜品，每一款都係細細件，一口一件，比較易食，而雪糕都有幾款揀，最開心既係除左有我至愛既movenpick薄荷朱古力味雪糕，仲有雲尼拿、朱古力同士多啤梨，movenpick以外，仲有Häagen-Dazs，同一款本地製造既雪糕。
飲品都係任飲，有橙汁、紅茶、咖啡同埋茶。基本上自助餐款式全部都好高質，以呢個價錢食到cp值確係非常高，酒店外面仲有好多打卡位，食飯之餘，仲可以周圍影相。
張貼
