酒鍋 (V Point) (已結業)

今日開會開到成7點幾，原本應該6點幾就走得，所以老細都識做請我地去打邊爐，佢話之前黎過酒窩食幾好食就帶左我地黎食。一坐低原來係望到維港，個環境一流，不過我地都餓到飛起，唔理三七二十一就叫野食，四個人都想食唔同鍋底，最後就叫左個酒火入魔，有5個味，又有蝦同龍蝦食先$328，勁抵。打得邊爐就緊係要叫小食食住先，叫左個黃金魚皮，其他野未到已經比我地清哂，好鬆脆。之後主食就黎左當中緊係有手切肥牛同埋黑毛豬豚肉，其他仲有黑松露蝦蟹餃，洋蔥豬肉蝦蛋餃，即炸手工紫菜響鈴卷同埋三色鮮制生麵，埋單先一千蚊左右，抵食到爆。