影片
更多
2011-02-14
48 瀏覽
本人之前都有去食，點知會有以下奇遇。。 日期：２０１１－０２－１３ 時間：１９５０時 昨晚，同老婆諗住食清啲，就去食＂深仔記＂，坐低左就叫嘢食，當時得另一枱客，咁有個寫單阿姐（員工）嚟寫嘢，我地就叫左一個腩河，一個豬手粗，一碟油菜，碟油菜叫佢加蠔油和腩汁，咁個寫單阿姐（員工）都無嘢，之後佢返柜面，有個長髮，約３０幾既女人（相信係老細）背對住我地，同寫單阿姐講左啲嘢，寫單阿姐轉身就話油菜是但加一樣，我當時都無嘢，就話要腩汁啦！ 唔夠２秒，個長髮女人（相信係老細），背對住我地就講：＂加埋豬手汁吖，加豉油吖＂，起初我都唔覺佢比說話我聼，因為當時有另一枱客食緊嘢，我地叫嘢食都好禮貌，唔該前唔該後，又之前無牙齒印。 跟住就勁囉，個長髮女人（相信係老細），背對住我地就講：＂有個客仲衰，叫豬手面，要分開啲豬手同面，衰都無人有＂，我當時Ｏ咀，諗咁左２秒，自己做錯乜？又好似我無錯吖？油菜都有蠔油架，加啲腩汁姐，雲吞面加腩汁又得又免費，咁我就起身走啦，仲好禮貌同個寫單阿姐（員工）講：＂阿姐唔洗整喇！＂
本人之前都有去食，點知會有以下奇遇。。
日期：２０１１－０２－１３
時間：１９５０時
昨晚，同老婆諗住食清啲，就去食＂深仔記＂，坐低左就叫嘢食，當時得另一枱客，咁有個寫單阿姐（員工）嚟寫嘢，我地就叫左一個腩河，一個豬手粗，一碟油菜，碟油菜叫佢加蠔油和腩汁，咁個寫單阿姐（員工）都無嘢，之後佢返柜面，有個長髮，約３０幾既女人（相信係老細）背對住我地，同寫單阿姐講左啲嘢，寫單阿姐轉身就話油菜是但加一樣，我當時都無嘢，就話要腩汁啦！
唔夠２秒，個長髮女人（相信係老細），背對住我地就講：＂加埋豬手汁吖，加豉油吖＂，起初我都唔覺佢比說話我聼，因為當時有另一枱客食緊嘢，我地叫嘢食都好禮貌，唔該前唔該後，又之前無牙齒印。
跟住就勁囉，個長髮女人（相信係老細），背對住我地就講：＂有個客仲衰，叫豬手面，要分開啲豬手同面，衰都無人有＂，我當時Ｏ咀，諗咁左２秒，自己做錯乜？又好似我無錯吖？油菜都有蠔油架，加啲腩汁姐，雲吞面加腩汁又得又免費，咁我就起身走啦，仲好禮貌同個寫單阿姐（員工）講：＂阿姐唔洗整喇！＂
哈，點知，個長髮女人（相信係老細），背對住我地又講：＂好呀！＂之後我就知自己無估錯，錯係我之前覺得佢地啲嘢好食就食左幾次。。。。
我３０幾年人，都未試過咁，啲嘢食未到就走左，食嘢姐，咁都要受佢氣，以後加腩汁可能要比錢，不過佢地比錢加腩汁都可能唔做你生意。。。。
＂深仔記＂，你要保持呢啲服務，我保證你生意興隆。。。。
張貼