759雲吞麵 (已結業)

聽朋友講759雲吞面好好味，好多人排隊，我今日下午茶時間都去湊下熱鬧，等左幾張臺就到我哋，坐低後舉手落order,侍應全部背住客人企係水吧位，過左一陣我叫左企係收銀位隔離似係經理嘅男人落單，我哋order左一份西多士，一個雲吞河粉走蒽，一杯餐飲凍奶茶,經理有復單，正準備走，同臺對面的男客人都order左一個面一杯餐飲，等左一陣，凍檸茶來了，我話我哋係凍奶茶，侍應馬上換，又過左一陣，雲吞面來了，我話係雲吞河唔係面，跟住又換，哩個時候同臺男客人已食緊面飲緊嘢，西多過左一陣都來了，但個雲吞河等左半個鐘，其間上左2次牛腩面係唔係我地，同臺和我都無叫牛腩面。oh my god,真係火都嚟，我追左3個侍應跟，個個行埋水吧講完就走，等等等.............對面客人食完走左，再來一個客人已食緊雲吞面，過多一陣雲吞河到了，個湯好多泡，我問侍應雲吞河係唔係平時都有泡，如果平時都係咁嘅就無野啦。侍應答我:我幫你換左佢。最後我取消單，埋單走人。新開張亂係正常，我體諒，但錯單追咁多次，係唔係應該專人跟返足呢？本人好懶上網寫咁多字，但今日食得好唔開心...