影片
更多
2018-02-05
399 瀏覽
和朋友一班人係屋企開完party後，肚子有點餓，便一同前來九龍城「搵食」啦。選址九龍城只因這裡選擇夠多，而且大多質數有保證，食唔到A餐，都總會有B餐，C餐，或者D餐等緊你。今次就俾我地發現佐呢間感覺好LOCAL，而且人頭湧湧既火鍋店。根據非正式統計，人頭湧湧既餐廳，衰極都有限？餐廳唔算大間，一眼睇哂，亦都正正係一眼睇哂，店員既服務好似特別的好，輕舉單手，5秒內一定有人過黎服務。火鍋湯底選擇有差唔多20款，絕對可以用花多眼亂來形容，最後我地都係要搵店員介紹，揀佐個精選湯底。食火鍋，醬油配料絕對唔少得，基本既生蒜，炸蒜，辣椒絲，蔥花，等等，呢度都一應俱全。精選湯底 - 藥膳龍躉魚湯鍋 $318呢個湯底名為精選湯鍋，就係每日餐廳創出最好，最特別既湯鍋給予客人選擇，就有如日本餐廳既Omakase，所以今日食到未必聽日食到，今日食唔到，可能聽日又會食得到，可說是可遇不可求。藥膳龍躉魚湯鍋其實就係藥膳湯鍋再加上龍躉魚塊，令到個湯保身得黎再帶點魚既清甜。藥膳湯底非常足料，飲落有點甘，帶一點甜，全身即刻暖哂。用料非常多，而且原汁原味，不帶一點味精，我地都忍唔住多喝了兩三碗，令到店員都忍唔住要叫停我地，
選址九龍城只因這裡選擇夠多，而且大多質數有保證，食唔到A餐，都總會有B餐，C餐，或者D餐等緊你。
今次就俾我地發現佐呢間感覺好LOCAL，而且人頭湧湧既火鍋店。
根據非正式統計，人頭湧湧既餐廳，衰極都有限？
餐廳唔算大間，一眼睇哂，亦都正正係一眼睇哂，店員既服務好似特別的好，輕舉單手，5秒內一定有人過黎服務。
火鍋湯底選擇有差唔多20款，絕對可以用花多眼亂來形容，最後我地都係要搵店員介紹，揀佐個精選湯底。
食火鍋，醬油配料絕對唔少得，基本既生蒜，炸蒜，辣椒絲，蔥花，等等，呢度都一應俱全。
精選湯底 - 藥膳龍躉魚湯鍋 $318
呢個湯底名為精選湯鍋，就係每日餐廳創出最好，最特別既湯鍋給予客人選擇，就有如日本餐廳既Omakase，所以今日食到未必聽日食到，今日食唔到，可能聽日又會食得到，可說是可遇不可求。
藥膳龍躉魚湯鍋其實就係藥膳湯鍋再加上龍躉魚塊，令到個湯保身得黎再帶點魚既清甜。
藥膳湯底非常足料，飲落有點甘，帶一點甜，全身即刻暖哂。
用料非常多，而且原汁原味，不帶一點味精，我地都忍唔住多喝了兩三碗，令到店員都忍唔住要叫停我地，不竟呢個湯底係用來打邊爐既，所以一定留番一定既份量，不然便沒有意義了。
龍躉魚片好大碟，而且每塊魚片都好厚身，食落啖啖肉，既能放落湯底帶出鮮甜味，又可以食，呢個湯底絕對抵食。
本地手切鮮牛肉 (大) $318
因為我同朋友都係「好牛勇士」，所以ORDER了一碟大既手切肥牛肉，本地牛既特點係紋理分明，食落特別有牛味，而呢碟牛既另一賣點係切得夠厚物，食落特別有口感。
鮮脆鯇魚片 $48
脆鯇魚片可算係我每次打邊爐既必點之選，雖然今次有了龍躉片，但係看見這個價錢，我還是忍受不了要多點一碟。
鯇魚片 有6塊，從色澤已經可見佢既質數夠高，食落很爽夠脆。
台灣黑椒腸 $38
一般既火鍋店都只有廚師腸或者芝士腸，但係呢度就有台灣黑椒腸，整個格調忽然提升。
這款台灣黑椒腸辣辣地得黎帶點甜味，放湯沒多久便被朋友一掃而空了，絕對係可以ENCORE之選。
唐生菜 $28
另外蔬菜類都夠哂大碟，而且價錢唔貴。
食火鍋，湯底食材當然係最重要既，而呢度既無味精湯底，絕對係令我再回頭既一大誘因。
張貼
