影片
更多
2019-02-23
36 瀏覽
今日去油塘大本型商場食午飯，入去大食代睇下有咩好食，見到有間舖掛滿日式紅燈籠，有火鍋、壽司、刺身放題，啱晒我胃口，就決定食呢間。入到去我哋二人被安排坐卡位，坐得幾舒服。我地揀左日式料理+火鍋放題，有三款不同價錢嘅牛肉可以選，我地選了澳洲和牛，湯底就選了海膽龍蝦湯。首先，我哋點了刺身、壽司。刺身有多種選擇，三文魚、吞拿魚、劍魚腩、鯛魚、希靈魚、赤貝、北寄貝、甜蝦等等。刺身質素ok，其中三文魚肥美，吞拿魚冇筋，赤貝非常爽脆鮮甜。壽司亦都多選擇，我鍾意食火炙三文魚壽司，果種火炙過的味道好香。值得一提的是有海膽軍艦同埋海膽蝦壽司，海膽迷必食。食到咁上下，火鍋湯已滾，首先梗係食龍蝦先啦，個湯有好多海膽，濃郁湯底配龍蝦好正。跟著就食和牛，揚三四下就剛剛好，牛味幾好，肉質比較嫩。跟著我哋就食海鮮，蠔、帶子、象拔蚌、蟶子、蝦，每樣都算新鮮，蠔同埋蟶子都冇沙。跟著我哋就食燒物同埋天婦羅，每樣試少少。天婦羅炸得好，冇油，外脆內軟。食到呢度其實都已經飽，我哋就出去拎d蔬菜。雪櫃有各種蔬菜整齊擺出，我哋攞左d油麥菜、黃芽白、冬瓜、南瓜、金菇同埋百葉豆腐整番個雜菜煲吸湯汁，好好味😋最後我哋就食甜品，果個自家製芒
今日去油塘大本型商場食午飯，入去大食代睇下有咩好食，見到有間舖掛滿日式紅燈籠，有火鍋、壽司、刺身放題，啱晒我胃口，就決定食呢間。入到去我哋二人被安排坐卡位，坐得幾舒服。
我地揀左日式料理+火鍋放題，有三款不同價錢嘅牛肉可以選，我地選了澳洲和牛，湯底就選了海膽龍蝦湯。
首先，我哋點了刺身、壽司。刺身有多種選擇，三文魚、吞拿魚、劍魚腩、鯛魚、希靈魚、赤貝、北寄貝、甜蝦等等。刺身質素ok，其中三文魚肥美，吞拿魚冇筋，赤貝非常爽脆鮮甜。壽司亦都多選擇，我鍾意食火炙三文魚壽司，果種火炙過的味道好香。值得一提的是有海膽軍艦同埋海膽蝦壽司，海膽迷必食。
食到咁上下，火鍋湯已滾，首先梗係食龍蝦先啦，個湯有好多海膽，濃郁湯底配龍蝦好正。跟著就食和牛，揚三四下就剛剛好，牛味幾好，肉質比較嫩。
跟著我哋就食海鮮，蠔、帶子、象拔蚌、蟶子、蝦，每樣都算新鮮，蠔同埋蟶子都冇沙。
跟著我哋就食燒物同埋天婦羅，每樣試少少。天婦羅炸得好，冇油，外脆內軟。
食到呢度其實都已經飽，我哋就出去拎d蔬菜。雪櫃有各種蔬菜整齊擺出，我哋攞左d油麥菜、黃芽白、冬瓜、南瓜、金菇同埋百葉豆腐整番個雜菜煲吸湯汁，好好味😋
最後我哋就食甜品，果個自家製芒果布甸幾清新香甜。雪糕方面就有雀巢細杯裝雪糕任食，我哋食左一個香芋味已經全飽，食唔落其他了。
張貼
