喜亭軒 (已結業)

今日去左旺角朗豪坊對面食燒肉火鍋，餐廳叫做喜亭軒，我記得好耐之前喺筲箕灣食過一次，印象唔錯，見到依家旺角開咗分店，立即訂位再試吓先。餐廳提供任食火鍋加燒肉，睇落非常吸引，真係正如餐廳門口所講，一邊火鍋，一邊燒肉，滿足每個唔同喜好嘅你。-麻辣雞煲麻辣雞煲叫咗小辣，非常香口惹味，雞肉份量啱啱好，唔會話太多令到之後太飽食唔到野，雞肉肉質嫩滑，有雞味，作為前菜非常合適。-牛肉拼盤牛肉拼盤，今次叫咗最高級嘅美國SRF牛肉套餐，一開始會送一份牛肉拼盤，包括有牛舌，牛頸脊，牛肩胛肉，因為仲食緊雞煲，所以牛肉先用嚟打邊爐。牛味濃郁，果然不失為美國和牛級數，入口即溶。牛肉之後亦都有任叫任食。-刺身拼盤另外餐廳都會送上一份刺身拼盤，包括有三文魚，大蝦，螺肉，北寄貝，帶子，八爪魚刺身。刺身夠新鮮，我特別鍾意食帶子同大蝦，十分鮮甜。-海鮮拼盤海鮮拼盤我比較鍾意嘅有鮑魚，聖子，大蝦，海鮮夠新鮮，鮑魚非常彈牙，用嚟打邊爐，最簡單的烹調反而最能帶出海鮮嘅鮮甜味美。-燒肉燒肉方面，我哋最欣賞係燒牛肉，同埋燒韭菜，牛肉燒過之後，再多一份香口味道，韭菜仲會吸收肉汁，味道再加添豐富的層次。-評分 : 6/10