影片
更多
2023-12-18
127 瀏覽
火鍋放題嘅食家又有新選擇啦，「壹號漁船」喺旺角荷李活商業中心2樓，火鍋區同點心小菜區加埋有16000呎，地方寛敞整潔，坐得舒服，中間仲有個大漁池，店員即撈生猛海鮮，保證新鮮呀！我哋叫咗晚市放題C餐，食足120分鐘，夠晒時間。店員先上蠔皇原隻鮑魚扣百花菇，原來新張期內送嘅，每位一客，阿姐話用4-5小時炆煮，認真用心。更矚目嘅係【波士頓龍蝦海鮮盤】，2人起入座就有。海鮮盤種類豐富，波士頓龍蝦、生蠔、紅魷鮮、鮑魚、鮮海蝦、海斑，仲有爽彈手打蝦丸、墨魚丸添！食完呢個已經回本一大半啦～湯底有8款選擇，我哋揀咗【清潤椰子雞鍋】、【壹號龍蝦湯鍋】，我鍾意椰子雞湯嘅清甜，令海鮮更加鮮味。火鍋放題紙有肉類、海鮮、餃類等等。想回本當然係食肉啦，我哋C餐梗係喪食【特級牛頸脊】同【SRF黑和牛肩胛】，肉色紅潤入口嫩滑肉味濃，靚嘢嚟。另外【沙白蜆】、【鮮味韓蠔】、【帆立貝】都好新鮮，食埋呢啲已經回本有突～自助區除咗蔬菜、丸類、響鈴、魚皮等火鍋料、飲品，仲有雪糕任食，款式都幾多～新張期內88折，19:30前離座/20:30後入座再抵啲82折，Openrice訂座85折(無分時段)，記住優惠期不定時更新，CP值咁高
我哋叫咗晚市放題C餐，食足120分鐘，夠晒時間。店員先上蠔皇原隻鮑魚扣百花菇，原來新張期內送嘅，每位一客，阿姐話用4-5小時炆煮，認真用心。
更矚目嘅係【波士頓龍蝦海鮮盤】，2人起入座就有。海鮮盤種類豐富，波士頓龍蝦、生蠔、紅魷鮮、鮑魚、鮮海蝦、海斑，仲有爽彈手打蝦丸、墨魚丸添！食完呢個已經回本一大半啦～
湯底有8款選擇，我哋揀咗【清潤椰子雞鍋】、【壹號龍蝦湯鍋】，我鍾意椰子雞湯嘅清甜，令海鮮更加鮮味。
火鍋放題紙有肉類、海鮮、餃類等等。想回本當然係食肉啦，我哋C餐梗係喪食【特級牛頸脊】同【SRF黑和牛肩胛】，肉色紅潤入口嫩滑肉味濃，靚嘢嚟。另外【沙白蜆】、【鮮味韓蠔】、【帆立貝】都好新鮮，食埋呢啲已經回本有突～
自助區除咗蔬菜、丸類、響鈴、魚皮等火鍋料、飲品，仲有雪糕任食，款式都幾多～
新張期內88折，19:30前離座/20:30後入座再抵啲82折，Openrice訂座85折(無分時段)，記住優惠期不定時更新，CP值咁高，早食早享受呀～
同場仲有新鮮海鮮、點心、小菜可以揀，下次要去試吓先~
張貼
