火鍋撚 (雲明行) (已結業)

火鍋燃有膠口罩套提供，好貼心呀！叫左鴛鴦湯底：蜂巢豆腐同埋酸菜薯粉。湯底本身已經好足料。蜂巢豆腐除左有蜂巢豆腐重有鴨血、紅棗同埋一堆香料，個湯底好香。酸菜薯粉酸菜好多，湯底好酸、好醒胃。薯粉呈幼條狀，晶瑩剔透。腍身易咬又保留到煙韌口感。脆鯇魚真係好脆，一d都唔鯹，但切得太厚較難咬。醉五花腩酒味真係超濃，好似飲緊花雕酒咁呀！五花腩入口即溶。脂肪唔會太多，同肉嘅比例啱啱好。五花腩灼三十秒，預嘅時間真係啱啱好。因為灼耐得滯會散開。木耳大大片，好爽脆。黑松露墨魚滑一入口已經食到好香黑松露味，而且好彈牙。蝦丸都好彈牙，用左真材實料整，有好香嘅蝦味。響鈴唔會炸到好燶。指示食客灼三秒，又係預得好準。因為灼得耐又會腍得滯，變左普通腐皮。灼三秒就食到脆脆地。最特別嘅係重有甜酸醬點。好似食緊炸雲吞咁。牛肉一上枱已經好吸睛。因為牛肉被捲成玫瑰花形狀，很美觀。牛肉被切成薄薄嘅長方形，牛味濃郁，有口感。皇帝菜好新鮮爽脆，唔會有渣。烏冬滑溜煙韌。最後送埋甜品：腐竹沙冰。好香腐竹味，唔會好甜。星期二夜晚幫襯，平日都滿座，好好生意。