金啫の鍋 (已結業)

天寒地凍最好打邊爐但又想食雞煲！朋友介紹呢間，雞煲無限添食加火鍋放題，可以無拘束開懷大食。單人收費都只係188，有雞煲、海鮮、肥牛烏冬和火鍋四重奏，包汽水任飲，性價比甚高!雞煲有辣同唔辣，辣度仲分大中小辣可選擇，十分貼心！ 每枱有金啫攻略教炒雞煲，10分鐘炒4次就有得食! 香噴噴熱辣辣，雞件大大嚿，嫩滑香口惹味，辣度是麻辣，越食越滋味！意猶未盡添食了一次！跟住係炒蜆加海鮮，海鮮有蝦、蟹、蟶子 鮑魚四選一 。我哋揀咗鮑魚，貪佢肥美肉厚有嚼口， 炒香加入黃酒焗一陣，打開酒香撲鼻， 蜆肉鮮甜味美！第三道菜係牛肉炒烏冬。烏冬吸收麻辣醬汁和海鮮的精華，惹味濃沃，爽滑彈牙 有飽足感！最後是火鍋放題，湯底有豬骨、蕃茄、酸菜和麻辣。我哋揀咗蕃茄湯底，酸酸甜甜夠醒胃！ 個人推介配料 水魷魚、牛柏葉和雲吞， 新鮮質素高， 用作打邊爐一流！