時代冰室 (已結業)

今晚約咗一位好耐冇見的朋友敘舊，用餐地點揀咗大家都就腳的太子。邊行邊搵食，我哋被大大的廣告牌吸引住，咁啱有啲寒意，不如就試吓打邊爐。我揀咗珍寶海鮮鍋，而我朋友揀咗醉雞肥牛鍋。珍寶海鮮鍋多款湯底任揀，我揀咗芫荽皮蛋湯底，感覺比較清熱。不過我略嫌比較鹹，如果可調返清淡一點比較好。每份打邊爐都配一份八寶盒和五福臨門，八寶盒材料有生菜、娃娃菜、粟米、冬菇、蕃茄仔、金菇、蘿蔔同烏冬。而五福臨門有鬼馬油炸鬼、響鈴、獅子狗卷、貢丸和鴨血。十分豐盛，大大滿足。珍寶海鮮窩會多左份海鮮配料有蝦、帆立貝、魚片、蟹柳、魚滑同長洲魚蛋。醉雞肥牛鍋一啲都唔輸蝕，我朋友揀咗滋補醉雞湯底，同樣有八寶盒同五福臨門，雞塊同肥牛同樣分量十足。仲嫌未夠，另外叫份養顏花膠筒鬼馬油炸鬼。花膠都算大塊，食落唔落唔錯。而鬼馬油炸鬼即係油炸鬼讓左啲蝦膠，幾特別幾有心思。仲仲未夠犀利加$18仲可以跟XXXXL 水果茶，真係超巨型超大杯。真係應有盡有，性價比超高。