緣聚鮮鍋 (已結業)

天氣轉冷係食火鍋嘅時候！朋友約我打邊爐，問我有冇好介紹？記得早前食過大鴻輝緣聚鮮鍋，覺得唔錯，咁就一齊再去食！入座前店員先問想先食雞煲再火鍋或是淨吃火鍋？我們選擇淨吃火鍋！湯底就有九款任揀。如果淨食火鍋可以有點心拼盤，啤酒同任食封門柳三揀二款，我哋揀咗點心拼盤同任食封門柳。餐廳設有早午茶市，之前來食過，覺得點心都幾好，有信心保證。用手機落單，我哋最鍾意食牛，就order咗牛肩胛，封門柳同安格斯牛板腱各二份，肉質油脂分布均勻，入口有濃濃的牛味又嫩滑，真係好味！其餘水魷，牛栢葉，鮮蝦，生蠔，魚腩就唔少得！仲有好多火鍋配料可以出去外面攞！菜又洗得好乾淨。食飽仲有好多甜品，我私心推介要食榴槤炸彈同埋罐裝鮮炸椰汁，真係好好味冇得輸。結賬每人二百多元都幾抵。朋友話冇介紹錯，值得再次光顧！