醉翁亭火鍋館 (已結業)

天氣涼涼哋又係打邊爐嘅時候，打邊爐梗係要任食先過癮啦，今次選擇咗去觀塘鱷魚恤大廈“醉翁亭”， 見到宣傳單上面嘅海鮮好吸引仲有個重慶雞窩好似幾正，但可惜我唔食辣所以冇食到雞窩，入座每位有海鮮盤一份，有六款海鮮花膠冬菇一碟四款嘅刺身一碟極級牛脛脊，牛肉味好香好正， 可惜係厚切， 如果可薄切就更好仲有每人一隻超勁大至尊水餃皇，至尊水餃勁大隻，有半隻手掌咁大，內裏幾乎全係鮮蝦好鮮甜好好味，可惜無得再加之後落單叫其他火鍋配料，丸類係新鮮手打 白鱔片鯇魚片好鮮甜另外豬潤豬腰所有配料都好新鮮值得推介，不過美中不足飲品選擇太少整體不錯，價錢不貴，仲係無限時，坐幾耐都得