火鍋煮場 (已結業)

今晚在火鍋店食烤肉，都幾過癮，個爐都幾勁，無乜油煙，基本上安格斯牛肉、牛脷、鱔片、羊肉片、蝦等等都可以直接燒，而且味道都幾好，始終D食材都幾新鮮。店長仲話有食燒肉專用的調味醬料添，咁都啱嘅，食燒肉如果點落咗辣椒絲蒜頭蔥花嗰D豉油真係有D奇怪嘅。碟安格斯牛肉都幾靚幾新鮮，切得厚薄度啱啱好，燒嘅時候真係幾香，入口又唔會un。碟蜆都幾大碟，店長攞定張錫紙比我地，因為燒嘅時候要先用錫紙包住黎燒先OK。另外什菌拼盤都係要用錫紙包住黎燒。呢碟係榖飼牛，個樣其實都OK，咁當然係安格斯牛小排靚好多啦，不過榖飼牛就平D。羊肉片都幾好食，勝在夠新鮮。我地仲專登叫份生菜去包住D肉黎食，會無咁滯同無咁熱氣。