辛鮮 (已結業)

今日食午飯，喺上水行左好耐搵到居然有一間火鍋店有午飯供應，睇番價錢＄40樓下都算可以，咁就同女朋友入去食下試吓，帶咗個藥膳雞湯飯同埋一個胡椒豬腸飯，之後先發現原來仲有小菜客飯可以食，40幾蚊左右年紀平就嗌多兩個小菜食，等待食物期間發現原來火鍋店應該有好多漫畫嘅朋友幫襯過，因為見到好多香港漫畫家嘅親筆畫都掛咗係上面，相信都會令到啲客人等候期間可以去欣賞下。食物上枱味道ok，藥膳湯飯有幾香嘅藥材味，兩個小菜都炒得出色，雖然個豬扒有一件係小部份未熟透。但都完全可以接受。服務態度兩位小姐都幾好值得推介大家下次再嚟食飯。