影片
更多
2018-03-17
105 瀏覽
兩個火鍋fans相約晚飯，又唔想次次都食普通嘅港式打邊爐，我就一於上「開飯」搵下料做功課，搵到尖沙咀LCX嘅韓菜餐廳笑笑指數高企，仲有好多對人蔘雞火鍋讚不絕口，就一於兩個火鍋控食吓「The Joomak」嘅韓式火鍋啦⋯⋯哈哈！行入LCX行到中間位置已見「The Joomak」，餐廳門口見到「韓•鍋」兩個湯底牌嘅相已覺得賣相吸引，肯定係熱賣中餐廳環境寬敞，每張枱都幾大，一啲都唔迫促。我哋預先訂枱安排較入位置，正正係無敵維港大海景嘅area，一邊火鍋、一邊欣賞靚絶海景、再一邊聽住K-Pop，簡直係三重享受，胃口都大大提升呀！服務方面，亦都非常體貼細心，會先略略講解火鍋種類等。除咗火鍋，食物選擇真係有好多好多，不過兩個邊爐控當然要食吓韓式火鍋，就選擇咗人蔘春雞湯底 + 韓牛拼盤！先上個人蔘春雞湯鍋，嘩⋯⋯湯底真正色香味俱全，材料豐富滿滿的。眼見有隻肥肥嘅春雞、大大支人蔘、紅棗、苟杞、栗子等！個湯底一滾傳來陣陣人蔘雞湯嘅香味，已經流哂口水⋯⋯哈哈。輕輕用匙已可整開春雞，內藏軟綿綿嘅糯米。先飲咗幾碗雞湯，超濃郁超鮮甜，再加上人蔘香味，超正！再食春雞，肉質滑嫩又相當鮮味，看看menu原來係用西班牙
行入LCX行到中間位置已見「The Joomak」，餐廳門口見到「韓•鍋」兩個湯底牌嘅相已覺得賣相吸引，肯定係熱賣中
餐廳環境寬敞，每張枱都幾大，一啲都唔迫促。我哋預先訂枱安排較入位置，正正係無敵維港大海景嘅area，一邊火鍋、一邊欣賞靚絶海景、再一邊聽住K-Pop，簡直係三重享受，胃口都大大提升呀！
服務方面，亦都非常體貼細心，會先略略講解火鍋種類等。除咗火鍋，食物選擇真係有好多好多，不過兩個邊爐控當然要食吓韓式火鍋，就選擇咗人蔘春雞湯底 + 韓牛拼盤！
先上個人蔘春雞湯鍋，嘩⋯⋯湯底真正色香味俱全，材料豐富滿滿的。眼見有隻肥肥嘅春雞、大大支人蔘、紅棗、苟杞、栗子等！個湯底一滾傳來陣陣人蔘雞湯嘅香味，已經流哂口水⋯⋯哈哈。
人蔘春雞湯底
8 瀏覽
0 讚好
0 留言
輕輕用匙已可整開春雞，內藏軟綿綿嘅糯米。先飲咗幾碗雞湯，超濃郁超鮮甜，再加上人蔘香味，超正！再食春雞，肉質滑嫩又相當鮮味，看看menu原來係用西班牙無激素走地雞，超正原因原來如此！飲咗幾碗後，服務員好細心加湯，加嘅唔係熱水，係原汁原味嘅雞湯，超棒！
韓牛拼盤共有兩盤：先上一大盤空運頂級1++韓牛，彷似係一碟藝術品。滿滿一大碟韓牛片上放咗一大球雪耳，超級美感！牛肉方面，頂級韓牛脂肪分佈均勻，無論煮幾熟，都一樣嚐到超鮮牛肉香味，味覺口感相當一流，果然係頂級！
而剪開多份雪耳放入湯煮，吸收晒人蔘雞湯精華，更提升咗雪耳嘅美味，超好食！
空運頂級1++韓牛
6 瀏覽
0 讚好
0 留言
另一盤火鍋配料，每樣食物嘅質素都超好味又新鮮。
自家製泡菜墨魚滑 & 自家製泡菜鯪魚滑：加入泡菜嘅滑非常惹味又爽口，好正。
五蔬豬肉腸：比一般腸仔更有口感，而且腸仔肉味更香。
蔬菜類有冰菜、羽衣甘藍、粟米件、南瓜、紫薯、豆結：真的每類蔬菜都各有特色，最重要每款都超新鮮又美味，真係勁正！
今晚兩個火鍋控都超大滿足，初次食韓式火鍋印象深刻，超級好味！如此餐廳環境+景觀、服務水平、食物質素都係一流水準，下次一定會再食另一個湯底，或者食其他韓菜式，想食韓菜韓鍋從此有個勁好選擇啦！
張貼
