火鍋撚 (染布房街) (已結業)

今日約咗朋友去旺角打邊爐，聽朋友講有間打邊爐火鍋撚幾出名，今次就去幫襯下。呢到湯底選擇好多，款款都用料十足。頂級梅花豬肉呢個油脂更多，鐘意較肥美既肉質的話好推薦。極品黑豚肉片片都好薄身，味道鮮甜，份量又多四寶丸，上菜前已經解完凍，睇得出食材係好新鮮的，食落口一啲雪藏味都冇。鮮蝦滑呢個值得一讚，好少見蝦滑入邊係有咁多蝦肉嘅，放完佢落個鍋度攞返出嚟成粒都係蝦白色。可見入邊蝦肉含量好足料。其他配料好似芝士腸蟹柳都質量唔錯，食得出同出邊叫嘅邊爐舖材質上嘅分別。呢個腐竹糖水沙冰簡直就係近期食過最好食嘅中式甜品，雖然一杯仔不過入邊係好濃縮嘅腐竹糖水味，打完邊爐飲一杯仔呢杯嘢即刻清走哂啲打邊爐嘅味道。如果我個肚仲有容量一定再叫多幾個。