蒲頭島 (已結業)

去左太和行街買乾糧雜貨，之後去舊墟直街，知道這裡變了火鍋食街，入左這間蒲頭島。這裡主打有火鍋放題，再加網燒或鐵板燒選擇，我們喜愛吃龍蝦，選了C2套餐，包火鍋配料，及一盤龍蝦海鮮拼盤。有龍蝦、青口、大蝦、蚌同鮑魚，將幾款海鮮網燒，應該可更原汁原味，欣賞龍蝦竟然一人一隻，好大隻，加上芝士粉，海苔粉和椒鹽，非常彈牙好味。再用手機嘟QR CODE 落火鍋配料訂單，點了牛豬雞羊肉，和特色丸類同自家製餃子，最特別有油炸鬼同鮮菇釀蝦膠。點了牛脷，切得好薄，建議網燒加孜然粉，好好食。還有任點的中蝦，都係燒會香口啲。再到自助區攞飲品同特色小吃食，先取燜牛腩蘿蔔，還有春卷，薯角。火鍋料的響鈴和魚皮也是任取。近門口左邊還有一大雪櫃任取蔬菜和菌類。之後另一輪火鍋料,再點幾碟牛肉作火鍋絕配。飲品種類多。最尾自己唧的軟雪糕，食埋甜品非常滿足。