德興酒家

營業中

休息中

上德興打邊爐全因為遠方朋友嘅主意, 朋友係美國黑人, 住咗係尖東酒店, 近排香港極混亂, 朋友唔想行太遠食飯, 又想試試香港地道火鍋, 聽酒店介紹所以訂咗酒店旁邊嘅德興.朋友曾經係香港工作半年, 當年我地成班同事經常帶佢去食好西, 打邊爐係其中之一.炸魚皮, 鵝腸, 豬紅, 午餐肉, 響玲, 炸蒜頭, XO醬, 對於我地香港人黎講係平平無奇嘅火鍋配料同醬油, 但係對於美國朋友黎講係新奇事.德興嘅鵝腸無膏而且洗得極乾淨, 啱自己口味, 順便教教美國朋友鵝腸有膏同無膏分別.炸魚皮口感香脆無過氣, 滿意.最最最正係牛栢葉, 一D都唔韌, 當然唔好淥太耐啦!自助醬油選擇比好多放題店多.以為 XO醬唔會太辣, 點知比想像中辣, 最主要係自己唔食得辣啫!雖然飲品選擇無其他食店放題咁多, 但朋友有酒飲就足夠.最重要朋友佢食得開心! 佢重請埋我埋咗張單添, 算係咁咯....