影片
更多
2018-05-26
99 瀏覽
今晚朋友介紹一間打邊爐，正！我係工作上有好多煩惱，要去舒緩下壓力先得，打邊爐就是不二之選！尖沙咀地鐵A2一出，直衝去寶勒巷🤩🤩一入去，感覺唔錯！乾淨企理，唔會迫迫夾夾既感覺，仲有大大個魚缸，D龍蝦&鮑儀向我招手！一坐底，餐牌都未打開，專業服務員就用最真誠既笑容向我介紹冬陰公湯底！我同朋友商量左3個鐘之後。決定！！！！ 好丫，就冬陰公湯底丫唔該！！！ 終於打開本menu勒！今次大鑊，九萬幾樣野食，有排諗😭 淨係湯底都有成16款！！！！ 勁！最後就點左：wasabi蝦丸，黑松露芝士丸，鵝肝墨魚丸，超級彈牙爆汁air max 牛丸！黑松露帶子餃！見大一大粒黑豬雲吞！手切肥牛！本地黑毛豬片！佢呢度竟然有冰菜😍😍另外，見佢鋪面咁乾淨企理，就一試佢D刺身，牡丹蝦刺身！點完料！個湯已經到！巧香呀😍熱誠既服務員見我裝到成個碗都係芫茜蔥，佢好自動咁去拎過隻碗比我，呢D咪專業既服務員囉！ 講返個湯，好足料，8隻蝦，隻隻都粗過我手指公，仲有大大隻蜆！一飲，就飲左兩碗，如果唔係餓上腦，我想飲哂成煲！一出場有Wasabi蝦丸，新野！出面好似未見過，wasabi味唔太搶，輕微刺激，激走工作煩惱🤣鵝肝墨魚丸：呢粒丸
尖沙咀地鐵A2一出，直衝去寶勒巷🤩🤩
一入去，感覺唔錯！乾淨企理，唔會迫迫夾夾既感覺，仲有大大個魚缸，D龍蝦&鮑儀向我招手！
一坐底，餐牌都未打開，專業服務員就用最真誠既笑容向我介紹冬陰公湯底！我同朋友商量左3個鐘之後。決定！！！！
好丫，就冬陰公湯底丫唔該！！！
終於打開本menu勒！今次大鑊，九萬幾樣野食，有排諗😭 淨係湯底都有成16款！！！！ 勁！
最後就點左：wasabi蝦丸，黑松露芝士丸，鵝肝墨魚丸，超級彈牙爆汁air max 牛丸！黑松露帶子餃！見大一大粒黑豬雲吞！手切肥牛！本地黑毛豬片！佢呢度竟然有冰菜😍😍
另外，見佢鋪面咁乾淨企理，就一試佢D刺身，牡丹蝦刺身！
點完料！個湯已經到！巧香呀😍熱誠既服務員見我裝到成個碗都係芫茜蔥，佢好自動咁去拎過隻碗比我，呢D咪專業既服務員囉！
講返個湯，好足料，8隻蝦，隻隻都粗過我手指公，仲有大大隻蜆！一飲，就飲左兩碗，如果唔係餓上腦，我想飲哂成煲！
一出場有Wasabi蝦丸，新野！出面好似未見過，wasabi味唔太搶，輕微刺激，激走工作煩惱🤣
鵝肝墨魚丸：呢粒丸1個字形容哂！外表詩文，內裡open!!佢呢隻係偏實正既墨丸，仲有一粒粒新鮮墨魚肉，口感一流👍🏼咬開無咁熱之後，成粒食，成個口都充滿愛！勁濃鵝肝香味！激贊！👍🏼👍🏼激贊！👍🏼激贊！👍🏼
黑松露芝士丸：咬開中間果d芝士就湧出黎，識食一定拉絲咁食！
超級彈牙爆汁air max 牛丸！：初初諗住無餡，都應該係牛丸一粒啦！估佢唔到一咬開，千倉百孔！勁多肉汁湧出黎，似食牛肉多過牛丸！👍🏼
黑松露帶子餃：咬開好香黑松露味攻出黎，d肉汁/松露香味同粒帶子容合左！唔錯唔錯！
大一大粒黑豬雲吞：黑豬雲吞，果然係有多少分別，一般雲吞既肉餡無咩肉感，似肉餅多D！黑豬雲吞就做到有肉感，入口唔會一patpat既感覺！叻仔！
本地黑毛豬：純係在坐有人唔食牛，叫比佢既，但都唔錯，肥瘦均勻，薄切，快熟嫩口有輕微油香！
頂級手切本地牛：我鍾意食手切牛因爲佢有質感，有咬口；大一絕不孤寒，塊塊都有返個厚度，真係大一大塊牛！
而家仲有個優惠添😍😍只要打卡，就可以全單7折，不論咩日子咩時段都有架👍🏻有7折真係超抵👏🏻👏🏻
特別一提：佢地服務唔錯，雖然未至於VIP咁既服務，但有笑容，唔係黑口黑面無水洗面，主動留意台面情況同客人需要，換碟都換得密👍🏼👍🏼👍🏼有時食飯遇著D無水洗面既服務員，真係到嬲嬲豬咖嘛！
總擔呢間大一：有質素！有驚喜！有下次！
張貼
