火鍋撚 (染布房街) (已結業)

今晚同有人嚟到旺角食火鍋， 呢間餐廳主打靚湯底打邊爐， 由於有人唔食得辣，我哋揀左蜂巢豆腐白湯鍋店員話係鎮店推介。 湯底十分濃郁 ，亦都有好多蜂巢豆腐吸滿湯汁， 果然冇介紹錯。御用手切肥牛（小）: 肉質新鮮，肥瘦適中， 滾八秒就食得。鮮雞件: 分量好足， 雞肉好滑好 嫩口，略嫌冇咁重雞味。牛骨髓: 第一次食，唔係度度有得叫，食落口感好特別，係軟骨嘅質地， 帶有微微嘅牛肉油脂香味。鯇魚骨腩: 魚肉新鮮， 肉質彈牙手打丸拼盤: 蝦丸最彈牙，芝士豬肉丸最有驚喜， 咬落去爆曬汁。另外仲試咗菜心苗同埋佢哋送嘅甜品腐竹糖水冰沙， 都唔錯。