御前牛盛日式涮涮鍋 (已結業)

今日同女朋友無嘢做所以就book咗呢間御前牛盛試一試，佢唔止有火鍋配料而且仲有刺身種類都算幾多👍🏻講返味道先，講到火鍋配料，最推介就係呢一個牛牛肩胛肉片， 入口都幾好味因為佢嘅肉質都算係幾爽同埋都唔會太薄而且亦都幾淋好有牛味 ，encore 左幾次👍🏻👍🏻👍🏻湯底方面我哋叫咗壽喜燒湯底同埋日本牛乳湯底日式牛乳湯底好香牛乳味，甜甜地咁，個人覺得呢一個湯底配埋肉同埋菜一齊嗰個口感好好👍🏻至於壽喜燒嘅湯底個人覺得還可以但就好似偏甜左少少😂但可能要睇個人口味~各款嘅海鮮都算係幾新鮮特別推介呢個蝦，幾鮮甜黎既朋友記得點丫 刺身味道好正啊，三文魚夠晒肥美而且都好重油脂味好正👍🏻仲有竟然有泰式生蝦真係好抵呀！又好味出邊食一定冇呢個價錢！