鳴門割烹料理 (已結業)

今日閒逛megabox過隔離食晚餐，在國際交易中心2樓，食個暖笠笠的日式火鍋。🍲吸睛日式3層火鍋盤 ($388/2人餐)🐟頂層是即食魚生，三文魚係新鮮的，唔係雪到凍冰冰個種，另外一讚的是大大隻的牡丹蝦🦐，肉感彈牙好食，另外仲有四隻蜆🐚，放入鍋中熱一熱再食，都新鮮好食。🐃中間層是肥牛盤，特別欣賞他有一半是用肥牛片卷野菜，分別有卷韭菜、芽菜同韭黃🥬，建議食落要放涼少少，一啖放落口，而唔係分開幾啖，因為咁樣最鎖住肉汁，同埋食落最有層次，最有口感。🥗最底一次是蔬菜盤，同時是我最欣賞的一層，因為他的蔬菜好新鮮，連粟米仔🌽、秋葵、紅蘿白都好鮮甜！我最喜愛他的福袋，好好食，入面包住的似是蟹肉及魚肉🦀，鮮味而且富湯汁。🍲柚子湯底甜甜地，好適合配野菜，另外，餐廳環境同埋服務都唔錯，就算一大班人都可以一齊坐，而且傾幾耐都唔怕。