大煲皇小廚

營業中

休息中

今日雖然連日大雨，但無阻我和朋友出街揾野食的興致。今晚我地去深水埗青山道天悅廣場地下的大煲皇打邊爐。朋友是常客，今晚由他發辦。朋友話這小店受街坊歡迎，有雞煲，活魚，刺身，火鍋等任君選擇，價錢實惠，用料新鮮。今晚我地揀左抵食好味的翅群花膠雞鍋，這個受歡迎的人氣鍋底真係無得輸，雞湯濃郁香甜，充滿骨膠原，花膠和翅群滑，雞肉香，特價$228算超值。火鍋配料選擇多，各款精品牛肉尤其出色。今晚的頂級手切鮮肥牛真係好好食，牛肉味濃質感好，厚薄適中，一碟小的也份量不少，推介！蝦滑拼墨魚滑鮮甜，好食。潮洲魚蛋爽脆有魚味。棉花魚肚吸滿濃雞湯好惹味。打邊爐之餘最好飲埋竹蔗茅根水，清甜下火，正！支持本地消費，我地推介這良心小店。