契爺鮮入圍煮 (已改名) 查看

今晚有幾個朋友為我慶祝生日🥰🎂💖走嚟黃埔揀間打邊爐既契爺鮮入圍煮慶祝！先嚟個濃厚雞煲花膠湯，啖啖花膠之餘，半隻雞份量剛夠四人當頭盤，唔使餓住揀野食，飲埋個充滿膠原蛋白既湯後，侍應會再加湯底正式打邊爐😍😍😍打邊爐當然要肥牛，本地手切既都有澳洲M5般既油脂分佈，入口即溶冇得輸！👍🏻再嚟個名稱有點浮誇既沖繩活水飼豚梅花卷😂，肉質鮮嫩，口感一流，火鍋必食選擇！還有叫了份食落鮮甜既台山桶蠔🦪，海鮮迷必選！跟住食彈牙既手打芝士鮮牛丸，配招牌六寶丸拼盤，牛丸一咬就爆醬濃香芝士無得輸🧆最後係鮮味肥鵝腸，口感爽脆，朋友鍾意配辣椒食，吾腥又惹味😻一邊食當然要一邊解渴，我地全部都點了巨大手打香水檸檬茶🧋，呢杯檸茶有飲品專賣店既水準，係打邊爐解膩清爽嘅絕配👍🏻👍🏻👍🏻今次呢間契爺鮮入圍煮，屬火鍋界既天花板，打邊爐必試！