尚鮮海鮮料理 (已結業)

今晚同朋友嚟到銅鑼灣打邊爐，個人鍾意麻辣火鍋，但朋友唔算食得好辣，所以叫咗個雙拼湯底（姫松茸冬瓜湯、血池麻辣湯）（$136）。姫松茸冬瓜湯湯底用姫松茸、冬瓜、豬肉、蜜棗等炮製而成，感覺冇加到味精，似老火湯，開頭未落任何火鍋配料之前可以試吓湯底，單飲湯底都幾好飲。至於血池麻辣湯，辣度大約係中辣，唔算真係好辣，但仍有麻辣嘅刺激感，用來做火鍋湯底一流！火鍋配料方面叫咗個二人海鮮尚盛（$228），有廣島蠔、聖子皇、白鱔片、大花甲、海蝦各二，海鮮非常新鮮，食落一啲腥味都冇，而且又大隻，啖啖都係肉。特尚手切牛（中）（$180），油花分布均勻，而且係手切牛，比一般機切嘅厚身，落火鍋湯底煮十幾秒就食得，肉質一啲都唔韌！鮮炸脆響鈴（$48），自家製響鈴，比起一般市售嘅大好多，淥3秒左右就可以食，響鈴吸收晒湯底精華，又帶點脆食，好食！木耳鮮蝦雲吞（$78@8），又係自家製嘅雲吞，雲吞大大隻，內裏有木耳、豬肉、原隻鮮蝦等配料，比較推薦加入麻辣湯底，雲吞皮會吸收麻辣湯，唔使配任何醬料都好好食！羽衣甘藍（$38），好少有火鍋店會提供呢一種菜，就算碌咗好耐，蔬菜仍然好脆身，口感非常特別！另外，仲有醬料提供，有生蒜