影片
更多
2017-06-06
134 瀏覽
打邊爐通常都一大班人，想傾計又嘈得濟，唔係俾自己嘈親就係隔離枱影響，不過友人推介左灣仔既新南苑，即刻就唔同講法啦。之前係旺角都食過，佢既海鮮拼盤新鮮又抵食，又有多款湯底選擇，留下好印象。今次灣仔店新開張，又可以去試下啦。新店係租貴又繁忙既地區，灣仔同金鐘甲級商廈之間，但價錢同樣係$278(竟然係冇加價?!) 一去到店就被壁畫吸引。好得意既畫風，唔知點解俾人一種鬼太郎既感覺。全店都以壁畫為牆既裝飾，連房間入面都有。講起房，呢度有不同大細既VIP房選擇，夠人就可以預先book，唔會有額外收費。最大既係14人房，所以話多人去打邊爐都唔一定嘈。有趣既椅子，可放袋！睇過店既大小角落先入座。一早已有小食恭候，仲有一車既調味料可選，最得意既係呢個豉油壺。小食係甜酸木瓜同腰果 木瓜爽口，清新開胃！腰果唔係花生！！烘脆香口，食住慢慢揀湯底。未黎火鍋之前先享用雞煲(三人或以上送的)。一開始係平平無奇既一個煲(好似廢話)，過左三分鐘，店員過黎炒炒佢，一開蓋，好香好香！大蔥既味道濃烈，加上濃郁既醬料同肉間流出既雞汁，香氣四溢，仲好大煲！店員重覆等下炒下左三次之後加入油炸鬼，食得！雞肉仍然鮮嫩，醬汁唔會太鹹，嗅
新店係租貴又繁忙既地區，灣仔同金鐘甲級商廈之間，但價錢同樣係$278(竟然係冇加價?!) 一去到店就被壁畫吸引。好得意既畫風，唔知點解俾人一種鬼太郎既感覺。全店都以壁畫為牆既裝飾，連房間入面都有。講起房，呢度有不同大細既VIP房選擇，夠人就可以預先book，唔會有額外收費。最大既係14人房，所以話多人去打邊爐都唔一定嘈。
有趣既椅子，可放袋！
睇過店既大小角落先入座。一早已有小食恭候，仲有一車既調味料可選，最得意既係呢個豉油壺。小食係甜酸木瓜同腰果 木瓜爽口，清新開胃！腰果唔係花生！！烘脆香口，食住慢慢揀湯底。
甜酸木瓜 腰果
9 瀏覽
0 讚好
0 留言
未黎火鍋之前先享用雞煲(三人或以上送的)。一開始係平平無奇既一個煲(好似廢話)，過左三分鐘，店員過黎炒炒佢，一開蓋，好香好香！大蔥既味道濃烈，加上濃郁既醬料同肉間流出既雞汁，香氣四溢，仲好大煲！店員重覆等下炒下左三次之後加入油炸鬼，食得！雞肉仍然鮮嫩，醬汁唔會太鹹，嗅覺既刺激多於味蕾，不過仍然係豐富既享受。因為怕辣要左唔辣，但之後聞到隔離枱辣既更有麻香，應該都係唔錯既選擇。
雞煲
8 瀏覽
0 讚好
0 留言
等既其間店員仲送左芝士燒蠔
花甲蟹湯
18 瀏覽
1 讚好
0 留言
之後上左個可愛湯底，你睇下隻熊！店員話係用紅蘿蔔，南瓜，薯仔，高湯燉煮，再加入魚膠粉，絕對係精華版既湯粒。仲有新鮮既白蘿蔔，蕃茄，粟米，花蛤同蟹，只要加入湯，一滾就可以開始，唔會怕一開頭湯底唔夠味！
海鮮拼盤
9 瀏覽
0 讚好
0 留言
海鮮拼盤
15 瀏覽
0 讚好
0 留言
先黎海鮮拼盤：扇貝，蟶子，蠔，鮑魚，蝦，龍躉魚片，鯇魚片等。店員仲建議我地可以免費幫我地燒。燒左既鮑魚特別好食，夠軟又入味！甲貝類沾上泰式醬汁會更好。蝦略乾，鍾意泰國夜市味道既就有口福。
蝦淥完都保持好大隻，而且肉質彈牙。
龍躉片 鯇魚片
14 瀏覽
0 讚好
0 留言
龍躉片
12 瀏覽
0 讚好
0 留言
鯇魚片
13 瀏覽
0 讚好
0 留言
一
龍躉片同鯇魚片可再叫，前者係一般任食火鍋中少見，其鮮，爽，彈，滑實無可比異，後者卻更見餐廳級數，不單比坊間既肥美，更比龍躉片充滿脂香，入口即將其香味入侵每個各落，兩者相比，我更愛後者。
手打魚丸
9 瀏覽
0 讚好
0 留言
手打蝦丸
11 瀏覽
0 讚好
0 留言
手打芝士牛丸
4 瀏覽
0 讚好
0 留言
手打丸類都好有心思，最愛芝士牛丸，特別而且香口，可以再叫！
魚皮餃
5 瀏覽
0 讚好
0 留言
魚皮餃皮比一般既薄，薄到雲呑咁，仲要爆多饀料，你睇下佢爆曬出黎！
牛頸
5 瀏覽
0 讚好
0 留言
牛頸油脂分佈平均，肉味香濃，鮮紅證明新鮮切出黎，唔會雪到死曬。可以唔洗淥到全熟，七成熟會更嫩而油脂又剛好能融化出其獨有香味。
魷魚，豚肉，牛栢業縮小了！記得唔好淥咁耐！
魚皮
9 瀏覽
0 讚好
0 留言
響鈴卷 魚皮
7 瀏覽
0 讚好
0 留言
魚皮我覺得係自家製，一淥就見真章！好長無斷開，唔似出面碎減減，又黏黏靭靭，有咬口。Goodgood!響鈴卷都係我喜愛既。淥一淥就可以拎起。聽到隔離枱話三秒定律，我就覺得一下都夠！
最後落埋蔬菜籃既菜，吸盡肉味，湯底既精華，但唔好以為咁就完！
蛋白燉鮮奶
16 瀏覽
0 讚好
0 留言
呢杯滑滑既蛋白燉鮮奶先為今晚畫上完美句號。
I Love 自家涼茶！！！！
題外話/補充資料：
店員話海鮮每日四點到貨，即日準備先可以保持新鮮！
(以上食評乃用戶個人意見 , 並不代表OpenRice之觀點。)
張貼
