醉胡爐 (已搬遷) 新店位置

今次嚟左試呢間火鍋，貪佢裝修新，坐得又舒服！富有中國風嘅餐廳，當然要試埋佛跳牆湯底！ 🍴 濃湯佛跳牆雞翅鍋 ($398) ⭐️⭐️⭐️⭐️💫 超級足料，湯底裏面除咗有好多嫩雞件外，仲包含咗花膠、海參、鮑魚、素翅、金華火腿。湯底超濃郁，而且好滋補，依家天氣涼呢個湯底就啱晒啦。 🍴安格斯手切肥牛(小) ($228) ⭐️⭐️⭐️⭐️💫 睇相都知道係靚野，雖然份量叫咗小，不過兩個人分都夠。牛味重，油脂唔會太勁，厚度啱啱好。 🍴紫菜炸響鈴 ($88) ⭐️⭐️⭐️⭐️ 即叫即炸，好邪惡嘅炸響鈴，裏面仲包住紫菜，增加個口感，唔錯。 🍴自家製炸魚皮 ($68) ⭐️⭐️⭐️⭐️💫 成餐飯最有驚喜嘅一個小食，魚皮係好大塊而且好厚，食落非常之脆，仲有好重嘅椒鹽味，浸落湯度幾秒再食都仲係脆卜卜，推介！ 🍴牛骨牛汁丸 (半份) ($48) + 手工雲吞 (半份) ($48) ⭐️⭐️⭐️⭐️💫 牛骨牛汁丸都好有驚喜，咬落去會有油脂爆出嚟，好重牛味。手工雲吞每粒都有兩三隻蝦，而且內涵包得好紮實，好食。 🍴蔬菜拼盤(小) ($58) ⭐️⭐️⭐️ 有三款菜，兩個人叫拼盤最好，咩都試到啲。 🍴竹蔗茅根水 ($68) ⭐️⭐️⭐️⭐️ 真材實料，而且好大支，兩個人分