新南苑私房菜火鍋鷄煲 (華僑商業中心) (已搬遷) 新店位置

朋友介紹下嚟咗旺角呢間新南苑試佢嘅雞煲火鍋放題。 地理位置十分方便， 旺角站出口行2分鐘已經到。 入到去火鍋店十分寬敞， 好彩我哋今日早去到， 唔需要等位。 望完menu我哋決定識佢嘅牛王套餐， 首先係雞煲食先，雞煲味道十分好，我地食咗兩盤先夠皮。 跟住就係打邊爐， 因為係牛王餐，所以一嚟就畀咗一盤好靚嘅肥牛我哋，而且店員仲同我哋講和牛，牛肩胛，牛小排都係無限任加。 因為想試真啲牛嘅味道,所以我哋特登叫咗清湯湯底, 雖然話係清湯,但係湯底裏面都有粟米蕃茄呢啲蔬菜。 另外除咗牛之外，仲有其他配料選擇， 出面亦都有蔬菜櫃可以夾蔬菜，最令人surprise係，出面竟然有一煲麻辣鴨血魚蛋豬皮可以任食。 另外佢嘅飲品櫃亦都有好多選擇，足足有三個雪櫃。最後食完一餐之後，結尾仲有牛奶布甸送作為甜品，呢間嘅性價比真係十分高。