川霸王 (已結業)

同事推薦位於愛琴坊foodcourt既川霸王，啲小炒夠鍋氣但價錢又經濟，放工後約同事又去試下。原本想點川菜，同職員傾傾下，原來哩度有火鍋食，最後無端端轉咗打邊爐，哈哈。惹味酸菜(湯底)$98見到師傳在廚房即場烹調湯底，上枱後，聞到好香，勁多酸菜，同其他餐廳啲酸菜湯底好唔同，平時啲酸菜湯底會有層厚油但哩度無，湯底好入味，唔使點任何醬汁都好足夠，推薦。美國安格斯肥牛(半份)$138啲牛都算靚，份量都多，淥兩下就食得，夠牛味。腐皮墨魚卷$626條大大條，彈牙有咬口，仲咬到有墨魚粒，幾抵食，其實每人食兩條都好足夠。韭菜豬肉餃(6粒)$58脆皮芝士腸$38有十幾粒，都抵食。魚皮$38夠簿夠脆，淥兩秒就食得，索曬湯味，正。生菜$38新鮮脆口，份量足 。