別忘了

營業中

休息中

每次經開［大埔🌸別忘了］都有好多人等位，可能因為店內裝修超靚，好有日系情懷，櫻花樹下用餐，尤如置身日本🇯🇵淨睇環境已經滿分，雖然位處新界區太和商場，但都近港鐵站🚊 ，頗就腳。叫咗兩個一人火鍋，食物款式都吾少，仲包埋兩杯台式手搖飲品🧋，湯底有十款選擇，我哋叫咗麻辣蕃茄加香濃豬骨鴛鴦鍋。番茄味吾會太酸，麻辣開胃刺激味蕾、豬骨湯就適合呢個季節，暖心醇厚，淨係湯底都做得咁出色，已經非常期待！☺️肉類方面有牛、豬、雞和羊，我哋揀咗牛、雞和豬，牛肉啲雪花紋超靚，切得厚薄適中，淥一陣就吸滿湯的精華，雞肉新鮮嫩滑，自然甜香吾肥膩，雞味濃郁，豬肉細嫩柔軟，甘香美味，！蔬菜款式好多，蘿蔔、南瓜、生菜、金菇、鮮冬菇、粟米，份量超大，啱哂嗜菜嘅我！😚甜品都一樣多選擇，有窩夫、檸檬愛玉、仙草、雪花冰、榴槤雪條……當然少不了台式芋圓🥳呢度整體吾錯，性價比高，有非常滿足的用餐體驗😋