Small Potato Ice Creamery (已結業)

呢幾日心思思想食紫薯甜品，咁啱琴晚去開希雲街食dinner, 所以慕名去左small potato 打算食紫薯雪糕。點知去到店員話紫薯唔當造，遂把店中的雪糕全部改作伯爵茶及豆腐口味，怪不得一入到店子裹有一股清新撲鼻的伯爵茶香。都好，反正先前先諗緊食個dinner 都幾飽，仲食紫薯會唔會太溜，「食」一杯伯爵茶感覺有助消化，反正伯爵茶同豆腐都係賣飛佛。就點左款MIXED ICE CREAM CONE,店員好快就遞上來給我。初嚐一口，感覺絕對係我杯茶，食落唔會太甜，感覺就是原汁原味，唔會添加太多糖份而cover 左豆腐天然的豆味及伯爵茶的怡人茶香，淡淡的芳香，好有一種小清新的感覺。仲有就係超抵食，$32有勁大筒~由希雲街行到地鐵站，中間停低左等個朋友講埋電話，沿途已經開摩打咁食，食到入閘都未食完，性價比很高。如果夏天係銅鑼灣行街shopping揸住佢來食真係超爽!所以呢個雪糕我係絕對絕對會encore既~希望如果店鋪出返紫薯雪糕時~都唔好cut 呢款口味啦~