大巴黎餐廳 (已結業)

果日同女朋友行旺角太子, 諗住搵野食, 點知行到去始創對外就有個人走埋黎sale我地, 以下為佢既內容節錄:"一睇你地咁有夫妻相, 就應該黎試下我地既野食啦, 特別係我地師父用心泡製既牛扒, 一切開就有妙手回春既感覺, 當年既初戀感覺即刻返晒黎....."如果你剩係想笑下又唔想比錢睇笑片既話, 可以考慮下去果度撞下佢, 包你笑餐飽=.=因為度度都試過既關係, 結果就上左去食....惡夢就此開始....一上到去竟然想搵個waiter帶位都無...結果要自己搵位...真係去大排檔d service都好過佢...其實果度既裝修都ok既...有大既水晶吊燈都幾靚....不過D位就真係好迫...想伸下腳都難...坐到埋位諗住叫野食啦...點知連menu都無...個waiter唔知係咪真係咁忙...叫極都唔應...見佢台上面有個類似沙嗲王果d按個制就有人過黎既牌就試下按啦....點知按極都無waiter應...真係好懷疑個牌係咪用黎裝飾嫁....D刀叉洗得唔乾淨...仲有D橙色既野痴係上面....想叫個waiter換隻新既..點知又叫極都無人應...真係唔知佢想點.叫左個紅酒繪雞肉飯, 凍奶茶..