札幌拉麵 Miso No.1 (已結業)

夏日炎炎去到尖沙嘴行街真係熱到抽筋! 肚餓起上來一唸就唸到冷麵! 而呢度ge冷麵堪稱係全香港最好食~~入到去, 見到老闆娘好好笑容甘招呼我地, 呢種甘warm ge感覺係宜家大集團當道ge情況下, 大概係呢種小店先有. 同老闆娘吹左水之後, 既不急待地叫野食. 我同女朋友叫左個二人套餐, 加錢轉中華冷面, Ankake拉麵 (女朋友至愛), 蝦餃子, 炸雞肉同凍番茄! 呢個配搭簡直係最正ge炎夏之選!中華冷麵係出面食開ge冷麵通常係天婦羅加蕎麥麵, 而自從食過呢度ge冷麵之後, 一直念念不忘. 麵身用返札幌拉麵, 雖然本身麵身有少少"簡"水味, 但配上酸酸甜甜ge冷面汁, 反而有一種好清爽ge感覺. 而呢款冷麵ge配料好多, 包括蟹肉, 海蜇, 青瓜, 叉燒, 紫菜, 口感非常豐富. 我地自己就覺得好抵食~ 係我同女朋友每次來到ge必點item~Ankake拉麵札幌拉麵本身係以濃郁口味聞名, 可能來到香港之後為左配合我地ge口味相對無甘咸. 呢度出名係麵鼓, 但係女朋友就偏愛鼓油湯底ge Ankake, 雖然我自己本身就麻麻~ 不過上到來成碗麵都係熱辣辣, 呢種風味真係夠曬日本蝦餃子每