圍爐取暖

營業中

休息中

35度天氣下食火鍋真係特別爽，第一爽是冷氣充足，第二爽是坐露營椅特別舒服，第三爽是自己炮製美食，第四爽是露營feel。今次真是不忘打卡，又要「相機食先」！情侶二人、一家四人、朋友八人組都不是問題，地方非常之大，每一群組都圍爐火鍋好有氣氛！哇！今次我哋六人組先來花膠雞煲湯底，半隻鮮雞拼大片花膠，雞件有半隻份量，雖然雞有皮但是不肥，只要下鍋不過時雞就好吃啊！花膠大片要自己一開四，咬下佢煙靭入味！牛魔王的朋友當然點選安格斯牛小排，牛小排起碼有20片份量，每一片都頗為厚身，牛味非常濃郁，而且賣相吸引，沾上調味甜豉油，滿意又滿足！稻庭烏冬和出前一丁放在花膠雞窩烹調非常有驚喜！烏冬和出前一丁都好入味，軟身硬身自己控制，最緊要一併品嚐湯底好好味！