炑八韓烤 (黃金廣場) (已結業)

銅鑼灣返工，經常都唔知食咩好，今日做野遲左食飯，同事就話去食炑八下午茶，咁就黎試下啦。雖然係下午茶時段，但係都好多人係到食，睇黎下午茶都好受歡迎。坐底一陣店員就比左啲前菜我地食，前菜係免費提供同埋可以refill嫁。炑八烤牛肉流心蛋粉絲 $48就算係下午茶份量都好多，而且粉絲都唔會太乾，加埋烤牛肉嘅醬汁再撈埋流心蛋汁，好juicy好惹味。鐵板芝士泡菜豬肉飯 $48鐵板飯就比較乾身啲，始終鐵板會keep住熱水份就慢慢蒸發左，雖然係芝士泡菜，但都唔會好膩，食到咁上下再加埋餐廳提供嘅醬汁，鹹淡岩岩好，好好食。安東雞翼湯麵 $54雞翼湯麵係最遲黎嘅，等嘅時間真係耐好多，唔太特別驚喜，個湯底都一般。整體黎講都係好食嘅，但價錢比一般下午茶都貴，但係份量同味道都啦錯，仲有任食前菜，食飯又多一個選擇啦。