影片
更多
2016-04-09
192 瀏覽
今日係特別既一日，係為某熱愛中菜既朋友celebrate. 為左方便大家，book 左尖沙咀呢間中菜，網上無咩評語，但見海逸都有分店，應該唔差，反正其他都食到好悶，試下新嘢，eating spirit - try every new things!去到一個客都無....閒日真係閒日，可以無人，包場呀 朋友們都呆左，有幾可坐到窗口位，裝修得咁靚段估都唔會唔好食啦，我諗係新開睇餐牌又好多嘢揀，仲幾有特色wo淨係睇呢兩個餐牌都食指大動，同平時食開果d唔同，好多都想試，仲要好肚餓 (做左好多個鐘啦)第一道菜: 老火靚湯真係拎個煲出黎，好有試意，點睇都係因為聽到有川貝，潤肺，做到氣咳，真係要補補，好濃既湯，堅足料，仲俾埋d 渣我睇，真係有豬尾，仲好冧，好好味 有成6大碗，138蚊又真係好抵飲，好過健x工房。第二道菜: 燒腩仔OL扮唔食肥，叫個細既唔叫例牌....得9 件，好想食多件都唔好意思....真係面脆，肉滑，唔係D大豬扮細豬既肉，脂肪同肉比例剛剛好 第三道菜: 金湯大蝦球(墨魚麵)我好鍾意呢道菜，有D西式，但又用中式方法整，上面果兩條麵係炸過，好得意，個汁有芝士又有南瓜味，好特別
去到一個客都無....閒日真係閒日，可以無人，包場呀
朋友們都呆左，有幾可坐到窗口位，裝修得咁靚段估都唔會唔好食啦，我諗係新開睇餐牌又好多嘢揀，仲幾有特色wo
淨係睇呢兩個餐牌都食指大動，同平時食開果d唔同，好多都想試，仲要好肚餓 (做左好多個鐘啦)第一道菜: 老火靚湯
真係拎個煲出黎，好有試意，點睇都係因為聽到有川貝，潤肺，做到氣咳，真係要補補，好濃既湯，堅足料，仲俾埋d 渣我睇，真係有豬尾，仲好冧，好好味 有成6大碗，138蚊又真係好抵飲，好過健x工房。第二道菜: 燒腩仔
OL扮唔食肥，叫個細既唔叫例牌....得9 件，好想食多件都唔好意思....真係面脆，肉滑，唔係D大豬扮細豬既肉，脂肪同肉比例剛剛好 第三道菜: 金湯大蝦球(墨魚麵)
我好鍾意呢道菜，有D西式，但又用中式方法整，上面果兩條麵係炸過，好得意，個汁有芝士又有南瓜味，好特別，D蝦既肉都好爽，好好味，唔似平時只配墨魚汁食到成咀都係咁悶。 第四道菜: 鮮果拔絲黑豚肉
上到呢道菜，真係覺得廚房幾有心思，碟碟都放得好靚。呢個菜好得意，夾起果陣D 醬真係好痴，真係要拔絲，味道當然好，酸甜剛好仲有生果味，黑豚肉係唔會唔好食啦。 第五道菜:招牌咖喱牛筋腩煲
牛筋同牛腩都好冧，咖喱都好香，重椰味都唔錯。我自己無特別喜好，但有位朋友好鍾意，係咁食。第六道菜:蟲草花野菌蒸比目魚
我係無魚不歡人士，超鍾意比目魚，好鮮甜，冬菇、紅棗、蟲草花既配撘好少見，但清清甜甜好好味第七道菜:秘制欖角一口骨
呢個係我叫既，因為覺得好特別，睇完餐牌唔知係咩，原來係排骨，有少少泰菜既感覺，佢好似係烤過，都好好味，好冧。甜品: 芒果布丁
估唔到係魚既樣，好有心思，仲可以三個人分，都幾好，味道係同平時果D一樣整體感覺幾好，一開始見無人幾驚係黑店，但都唔錯，菜式既選擇多又特別，賣相都好吸引
張貼
