生記粥店

營業中

休息中

之前話過要嚟食炒河粉，講吓講吓又隔咗幾個月...今次再度造訪，都係為咗佢...通常普通粥舖只得炒麵或炒米供應，已越來越少機會食到炒河，因為大多粥舖都唔會嘥時間去整。記得細細個時通常都買一碟外賣炒河做早餐，冇得頂...雖然炒得較油，但沙河粉夠粗又夠嚼勁，加埋爽口嘅芽菜，乜嘢兒時感覺都返晒嚟...出奇地拌粉吃嘅皮蛋瘦肉粥亦係水準之作。瘦肉條呈半肥瘦，絕唔係其他粥舖食到嗰D柴皮肉條可以相比。淨係呢樣嘢，已可一讚...