壽記海鮮酒家

營業中

休息中

星期日心血來潮入南丫島行山，居然人流唔多，估計大部分人外遊或北上。坐中午船由索罟灣起步行，約2點幾3點，去到榕樹灣覓食，本來想去書蟲西餐，但要等位，最後改去食中菜，隨便路過見壽記，一開門，d冷氣已經攻陷我哋心境，先黎冰凍汽水，再慢慢點菜。伙記無推銷海鮮，反而同我哋講有炒粉炒麵食。我二話不說先點豉油王炒麵，椒鹽鮮魷，煎咸魚肉餅，其後再點乾炒牛河和啫啫通菜煲，5個人share份量十足。不得不讚整體食物調味適中，最欣賞不會過咸或油膩。尤其兩碟炒麵炒河😀👍🏼 碟底無油，河粉不會炒到碎，豉油香又夠鑊氣，連平時少食粉麵個仔，都話添食😌 個煲啫啫通菜煲，通菜爽脆，蝦乾鮮甜，仲有幾片豬頸肉搭配，熱辣辣放上枱，香氣撲鼻😋稍為無咁好食既咸魚肉餅和魷魚，雖然唔夠個3碟好，但都未至要投訴，魷魚炸得好，可惜魷魚無鮮味，似急凍貨，咸魚肉餅唔like佢係炸，無咸魚香味，得咸味。整體而然，下次入嚟會再幫襯。亦要一讚伙計有禮，期待下次入嚟試埋牆上既能手小菜。