巴沙新加坡小品 (已結業)

(6/8/08)八號風球轉左三號既晚上,雖然在灣仔,都無乜食肆開。行到呢度,才醒起曾經好想試佢既炒蘿蔔糕,加上店員說今晚做八折,便拉著老公入去。一入去已order斑蘭雪方蛋糕,可惜剛售罄。咁照叫炒蘿蔔糕試試,白的是咸,不過廚房炒了黑的出來,沒問題,反正都係試。黑的是落左甜醬炒,整體都係咸食來既。「蘿蔔糕」其實咪係粉頭~!只可說冶味,蝦頗鮮味。馬拉盞炒通菜,ok,不算油。巴沙飛餅配咖哩汁$34,店員先聲明,汁是稀的,同埋份量少。來到真係好少o羅,相中的咖哩汁我們還未滔過,所以真係好少好少,而且味道有點肉骨茶影子,用來點薄餅,唔係好夠味。早知分開哎,飛餅$15,咖哩汁$15好過。凍新加坡拉茶$20,自覺在「越棧」的越式奶茶味道差唔多,茶味有朕香料/香精味,食左一堆熱氣野,飲下無妨。除左service好之外,食物我諗唔會有下次,無驚喜又貴。走時見到姚盈盈光顧。