民華餐廳

營業中

休息中

呢一間茶餐廳除左有一般嘅茶餐之外，仲有好多點心。而且點心嘅質素都唔錯，口痕想食點心嘅都多一個選擇。而且價錢仲要一啲都唔貴。北菇蒸雞飯飯有雞油香味，雞都好滑。比好多酒樓都要好味。排骨飯排骨用嘅部位唔算好肥，變左飯就淡味左少少。五香牛肚牛肚部位唔錯，食落淋身。味道夠香濃。個人就幾鐘意。番茄牛通番茄湯味道夠，通粉因為煮太耐而變霉。牛油多士，炒蛋，火腿而家間間茶餐廳都對炒蛋特別講究，呢間都一樣。滑就一定呀啦，而且佢仲係特別香口，顏色仲好金黃色。燒賣味道同茶樓基本上係一樣，不過呢度多一粒杞子，食落就多一個層次。