影片
更多
2020-10-13
1607 瀏覽
認真除左N年前幾歲時跟父母食過當時好流行嘅韓式燒烤後（即係有得燒腸仔同午餐肉嘅），真係未再響香港食過韓式燒肉 （韓國就有，不過係主打牛肉嘅）。嗰日行行下荃灣商場連環陣時，個朋友突然抽起條筋話想食燒肉，不過未夠六點，行哂啲商場又搵又剩，嗰啲牛X系列日式燒肉店唔係門口企左幾廿人等位，就係派飛派到八點半⋯⋯話說我起身到現時為止只係飲過幾滴刷牙水，餓到不得了，真係未必有命等到有位，用個商場APP搵下，見到柳氏家又係有得燒肉，又有好近叫號嘅飛派，即刻線上拎飛衝過去食。一去到即刻有得入座，不過先要響門口好似問答遊戲咁答哂所有問題先：時限九十分鐘。要咩口味嘅炒雞？要唔要加豬肉海鮮？要唔要加芝士？要炒飯定炒麵？要唔要任飲啤酒⋯⋯帶位領我地入到最入嘅窗口位，行經其他枱時都有啲未入座，可能仲響門口等緊啩。窗口位二人座唔錯喎，又近自助吧，雖然荃灣街景都並不是什麼美景，但係自成一角都幾好。今次又做咗次大鄉里，未食過炒雞／燒肉真係唔知佢啲 ritual係點。周圍睇下自助吧有咩食。咦有我最鐘意嘅醃小黄瓜同泡菜，同埋可以拎生菜黎包住啲肉食。（韓國菜其中一樣好嘅，就係好多機會食到菜，同埋發酵過嘅泡菜，對腸道健康非常唔
一去到即刻有得入座，不過先要響門口好似問答遊戲咁答哂所有問題先：時限九十分鐘。要咩口味嘅炒雞？要唔要加豬肉海鮮？要唔要加芝士？要炒飯定炒麵？要唔要任飲啤酒⋯⋯帶位領我地入到最入嘅窗口位，行經其他枱時都有啲未入座，可能仲響門口等緊啩。窗口位二人座唔錯喎，又近自助吧，雖然荃灣街景都並不是什麼美景，但係自成一角都幾好。
今次又做咗次大鄉里，未食過炒雞／燒肉真係唔知佢啲 ritual係點。周圍睇下自助吧有咩食。咦有我最鐘意嘅醃小黄瓜同泡菜，同埋可以拎生菜黎包住啲肉食。（韓國菜其中一樣好嘅，就係好多機會食到菜，同埋發酵過嘅泡菜，對腸道健康非常唔錯）自助吧有蝦、魷魚等海鮮同牛仔骨及單骨雞翼等肉類。正想出去拎嘅時候，侍應就拎左鑊雞出來 （我揀左原味唔辣無芝士），教我地炒幾分鐘就食得架喇咁。唔。一頭問號。咁我就問佢：「咁我地可以出去拎其他嘢燒嗎？」佢話：「得，不過拎左番黎要等一陣先燒，所以可以唔拎住。」哦，即係要食完炒雞，個鍋先可以再燒其他嘢。咁啲炒雞唔係可以追加咩，咁又點追加呢？又一頭問號。
炒雞大約三至五分鐘就可以食，哩個唔辣嘅調味，可以自己夾啲辣泡菜加辣的確唔錯。跟佢建議嘅炒雞時間，啲雞炒得啱啱好，仲好滑。佢有自助拎嘅海帶湯，係無味嘅⋯⋯第一輪炒雞好快食哂。我地就放啲肉落去燒，燒左一陣，有位侍應就行過來話：「要換個一個鑊比你燒其他肉架。」
於是，侍應換左個有牛油紙鋪面嘅鑊黎，我地又繼續燒。其他肉類味道不過不失，不過咁樣燒法，其實我地最後只係炒左一輪雞（好食嘅），感覺有啲變返做我N年前食嘅韓國燒烤。同埋佢有一樽水，到最後都唔知係用來做咩。（照計燒肉唔係應該加油咩？）
想讚下嘅係侍應同其他員工（有執枱專員）禮貌不錯，即係我啲古怪嘅問題佢都好有耐心答（可能一日比人問足幾百次），客人後期坐爆全場（當然有限四人坐枱），見佢地都忙住fill嘢執枱應客，炒場炒到甩哂轆，忙到飛起反應可以保持夠快，未至於笑容滿面，但基本嘢做到足都算係咁。要彈嘅係，其實侍應有響每枱同啲客人講，離開坐位出去拎嘢食時係要戴口罩，但係就偏偏目擊有三個以上嘅客係無戴口罩就響自助吧夾嘢食，好在店員見到，都即刻同嗰啲客講要戴口罩⋯⋯哩啲非常時期，出黎食嘢都要衛生啲，做個有責任感嘅客先得架，一陣間餐廳有咩事，真係唔比你累死都比你嚇死。同埋，因為佢係自助吧，就算我無加錢食其他肉，其實都可以出去夾肉食，侍應邊有咁得閒個個客𥄫實，等客人自律真係自求多福。
張貼
