金記冰室 (已結業)

今日同朋友去左西營盤食飯，當大家都諗緊食咩既時候，我就提議左呢間冰室，話一直想試佢既炒麵。天氣太熱關係，一定要叫返杯凍飲，就一於紅豆冰少冰。冰粒不算太多，紅豆份量適中，不太甜，感覺沒有那麼邪惡。之後叫了咖哩牛腩撈公仔麵，公仔麵好爽口，唔腍。其實我唔太鍾意食太腍既麵，所以覺得好正，再加上咖哩汁，不太辣，又香，牛腩又腍，肥瘦適中，幾樣因素合成，其實好美味。當然唔少得我最期待既雞扒炒公仔麵。一放上枱已經聞到香噴噴，有獲氣，不油膩，芽菜爽口，混合埋麵一齊食，口感更豐富。雞扒煎到有脆皮感覺，實在太好。朋友最後都話我介紹唔錯。計我話，最難得係可以同知己聚下舊，講下心事，吐下苦水啦，再加埋可以有美味既一餐，真是一個美滿的一個晚上。