三點三冰室

營業中

休息中

茶餐廳係香港人喜好飲食聚會地點這間位於青衣城嘅冰室, 餐飲美食多元化, 小食炒粉麵飯頗多選擇。椒鹽炒魷魚麵酥炸魷魚爽脆香口, 椒鹽尤其惹味, 豉油王炒麵好有鑊氣, 麵條彈牙, 鹹度啱啱好, 加埋辣椒醬就更加美味。頭抽乾炒牛河河粉煙韌幼滑, 炒得幾乾身, 頭抽有鮮味又唔會過鹹, 味道較淡口, 可隨個人口味加添鹹味, 牛肉幼滑彈牙。冬瓜粒海鮮湯飯 湯底鮮甜, 配料好豐富, 有冬瓜粒、蟹柳、蝦、帶子、蜆肉和魷魚等, 湯飯口感清新, 吃起來好開胃。自選雙併公仔麵 餐肉 腸仔公仔麵爽滑彈牙, 唔會煮得過腍, 餐肉和腸仔好香口, 配搭麵食好合適。秘制辣雞翼 /瑞士雞翼雞翼幾厚肉, 辣辣地夠惹味, 瑞士汁調教得宜, 完全滲入雞翼裏面, 鹹中帶甜, 吃起來唔會有滯膩感。超邪惡西多 西多士軟熟有蛋香, 花生醬饀料好厚身, 配以香甜煉奶, 口感順滑。