季季紅風味酒家

營業中

休息中

今日咁啱過到嚟元朗，就搭咗輕鐵去藍地去買燒味。呢度人影稀疏，但係呢度有間幾有名嘅燒肉店，就係季季紅。位置喺正村口，輕鐵站一出過橋就見到。鋪面大大隻季季紅嘅字眼，佢除咗有燒味賣，佢仲係一間茶樓。右手邊呢個位置就係佢嘅燒味檔。外賣咗半斤炭火燒肉同半斤拖羅叉燒返屋企個燒肉返到屋企仲脆嘅。呢個炭火燒肉真係好香炭火味，肉質有咬口。拖羅叉燒，個名幾得意。肉質香口乾身，值得一試。