橘焱胡同燒肉夜食 (已結業)

知道台灣過江龍胡同燒肉嚟咗香港，我真係超級開心！之前響台灣食過真係難以忘懷！食燒肉之前要啲開胃小食！芥辣八爪魚夠晒刺激！香口得來不太嗆喉！達拉斯每日限量出品，一上枱就知對辦！色澤鮮明！職員用心幫忙燒烤，先將四邊笑起，再切成片狀，睇見都流晒口水！入口牛肉味好香濃！有𡁻口但不韌！厚燒牛脷亦都爽口，牛脷醃得入味，厚切得來口感十足！好香！蝦十分肥美，隻隻都好厚肉！對比起燒肉，蝦普通不算太突出。另外我哋仲點左燒大元貝，都好肥大厚肉！鮮甜味尚可。今晚最好食係呢一塊肋眼牛排。上枱已經流哂口水！燒嘅時候已經勁多肉汁流出來，有入口即溶嘅感覺！而且牛肉味好濃！好嫩！超好吃！粟米亦都鮮甜多汁！烤耐一d有多d炭香仲好食！呢餐真係我響香港食話最好嘅一餐燒肉！而且有專人幫手燒，所以每一塊肉都可以燒出高水準唔會浪費！