名代宇奈備長炭燒鰻魚飯專門店 (iSQUARE國際廣場) (已結業)

喺日本食過鰻魚飯就發現同香港食嘅好唔同, 喺香港食嘅鰻魚飯通常比較多魚骨… 終於搵到一間可以食到近似日本鰻魚嘅地方止少少咳喇。🥢鰻魚重特大成條鰻魚好震撼, 鰻魚入口軟滑, 雖然都有魚骨, 不過唔會有拮到喉嚨嘅感覺。如果食鰻魚飯, 一定要分汁上, 唔會d 飯好快就會索曬個汁, 變得又淋又黏, 唔好食架喇。🥢鰻魚燒玉子玉子好滑, 不過鰻魚味道變得唔太突出, 完全比蛋香味蓋過咗。整體食物係好食嘅, 不過d 職員嘅態度就麻麻地, 需要改善。