忠孝東路

營業中

休息中

一向都好鍾意食台式野，今日就嚟咗呢間忠孝東路食晚餐。餐牌上除咗常見嘅牛肉麵同三杯雞之外，仲有好少見嘅女兒紅花雕系列，見到醉鮑魚真係流晒口水，奈何今日得自己一個人，冇辦法嗌咁多嘢食😭💔香蔥魯肉拌麵($68)份量大大碗，對於比較細食嘅我黎講，真係用盡九牛二虎之力先清得晒成碗麵🙈聞落去好香蔥味，但食落去只有淡淡蔥香，魯肉味幾突出，而且唔會好多肥豬肉，配埋青瓜絲一齊食就冇咁膩。我平時唔太鍾意青瓜個陣草青味，不過加埋魯肉就平衡返，仲多左一份清新既感覺。麵條條條分明，質地都幾濕潤，唔會乾爭爭，一達達，而且每一啖都食到魯肉。雖然味道稱唔上驚為天人咁好食，但係都幾有台灣嘅風味😆另外叫左一杯炭燒奶茶，好鍾意炭燒奶茶嗰種獨特嘅香味。叫咗少甜，所以甜度啱啱好，茶味都幾重，岩曬我，very good。