一杯屋

營業中

休息中

除夕夜同好友出到銅鑼灣倒數🤤🤤佢book左間串燒居酒屋，話同朋友食過覺得唔錯。餐廳位於銅鑼灣澳門逸園中心，當晚客人都幾多，等左一陣位先入得。服務水準唔錯，串燒、肉類、天婦羅、小食全部都叫咗少少，整體食物水準都高！成晚最鍾意嘅就係炭燒牛小排，可以做到炭燒嘅餐廳香港真係唔多，因為牌照聽說係好難申請，牛小排五成熟，中心位置粉嫩，就咁望都覺得多肉汁😆😆最重要嘅係炭丫燒味好夠，等耐一啲都值得！👍🏻👍🏻其餘菜式我哋叫咗野菜天婦羅、燒免治雞肉串、汁燒魷魚筒、炸物拼盤、燒煙肉生蠔卷，食完成晚，覺得比起出邊嘅串燒或居酒屋，呢度多左一份細心，兩個人食傾住計飲住酒非常寫意🤤